موضوع: محدقين كولللللللللللللللللللش السبت ديسمبر 31, 2011 3:03 pm
عيني اليوم حبيت انزل موضوع حلو ومفيد لكل واحد يدخل المنتدى وهو حياة الحدايق وطبعا الحدايق مااقصد بيهة المكان الاخضر الي مزروع بي ورد وحلو و نطلع ونتونس بي لا لا لا عيني غلطانين بالعنوان الحديقة هنا معناتهة كلنة من نبسط ونكعد لا شغلة ولا عملة ومكابلين النت كل اليوم طبعا القصة تحجي عن حديقتين عالنت طبعا ماشاء الله من يفتحون نت تكول هم شغلهم ماخذ وقتهم وهم مكضيهة سوالف ومن يجون اهلهم يكولولهم شعدكم ساعات عالنت يكولون مشغولين شوية ونخلص شتخلصون ماادري المهم عيني يبدأ الحديث : الحديقة 1 : هلو شلونك الحديقة 2: هلو الحمد لله انت شلونك الحديقة 1: شكو ماكو اخبارك ( علساس حلو كل القضايا الدولية ) الحديق 2: ماكو شي سلامتك ( طبعا يكولهة وهو خايف لا يطلع الحديقة 1 عندة شي جديد وهو محدق ) ويسأل انت شكو ماكو الحديقة 1: ماكو شي كالعادة ( يكولهة بكل اسف علساس كل يوم خطية الجديد مكطع الدنيا عنده ) خطية الحديقة 2 يكيف ويرتاح نفسيا يكول اي زين مو بس اني محدق ميدري هو كل الدنيا محدقة خطية ويبدون يحجون طبعا بس شنو المشكلة ماكو موضوع يحجون بي الحديقة 1 يكولة شدتسوي يجاوب حديقة 2 ماكو شي بس كاعد ( اكو واحد يفتح نت وهو واكف ترة مينرادلهة فهم ) كول كلشي مداسوي حديقة 1 يسأل : شسويت عالتعيين لأن خطية ثنينهم خريجين وكاعدين ؟ حديقة 2 : رحت مثل كل يوم افتريت وملكيت تعيين ( ترة التعيين مو بالفرات كول رحت ابصبص اكولك اي ) طبعا اثنينهم خطية يدخلون بجو كئيب وشوية النوب تنزل دموعهم ( على كيفكم ترة مشكلة الشعب كلهة مو بس انتو وبعدين ترة مامتخرجين من الجامعة الامريكية ) ورة شوية خطية يجيهم الايمان يكولة الله كريم الثاني يرد دايم كريم متبقة هيجي حديقة 1 : سكت خطية لان ماكو شي يحجي بي حديقة 2 : اي احجي ( ماعندة شي خطية ) حديقة 1 : انت احجي ( ماعندة شي الثاني ) ماضاع بيهم لقب حدايق حديقة 2 : يخطب حديقة 1 لبزونتهم ( صدك مو جذب ) يكولة انت ليش مامتزوج دتعال انطيك بزونتنة بنت عوائل ومتريد شي بس اللكمة وجهالهة ميكلفون ليريدون بامبرز ولا مميات حليب حديقة 1 : يوافق (خطية مامصدك ) وطبعا تشتغل الخطبة والمشاكل وورة الزواج يرجعهة لان العتوي مالت حديقة 1 مصادق البزونة وهو ميقبل ويزعل وعيني يرجعهة الهم ويكوللهم شوفو بزونتكم اخلاقهة مو مضبوطة وحديق 2 يراقب البزونة وينهي المشكلة ويطلكهة منه وطبعا مينطي نفقة حديقة 1 لأن مامتعين ويديحون جهاله هههههههههه طبعا كل هذا الحجي صار بنص ساعة يعني هذا الموضوع الي جانو يتناقشون بي كل هالفترة مصار زواج وطلاق وجهال صدك كلة سوالف لان مستحيل بشر يتزوج بزونة المهم عيني خلص نقاشهم الحلو وتطلكت البزونة وكلمن راح بطريقه هسة كامو يدورون على موضوع ثاني يحجون بي حديقة 1 : اي ( يعني يريد موضوع بس ديحجي ) حديقة 2 : اي وبعد ( يعني ماكو امل موضوع مني ) حديقة 1: وهم اي ( شغلته ميؤس منهة عالاخر ) حديقة 2 : احجي ( رجعنة لنفس الطاس ونفس الحمام ) حديقة 1 : شوفلنة موضوع نحجي بي ( من الاول مشاف موضوع هسة حيشوف ) حديقة 2: دشوف انت من يمك ( شنو بسطية مالت مواضيع يمة ) المهم واحد من الحدايق حب يضوج الحديقة الثانية بس يريد يحجون حديقة 1 :اني عندي معجبين ( صدكنة ) حديقة 2 : ماكو معجبين اكعد واسكت ( شك عيب ينغار ) حديقة 1 : بلي اكو شنو اصلا كومة وشريد يسوولي ( خطية وزير الكهرباء ) حديقة 2 : خلي يفيدوك المعجبين ( هسة انت شقاهرك استفاد من معجبين حديقتك شوية ) حديقة 1: معليك انت معجبيني لو معجبينك ( والقهر كله اصلا ماكو معجبين ) حديقة 2 : يضوج خطية ويكول ماضايج ( شكد غيارين حسد عيشة اعوذ بالله ) حديقة 1: عرفني بجماعتك ( اذا عندك معجبين شكو تتعرف ) حديقة 2: ماكو اكعد واسكت ماتتعرف بعد ( علساس خطية هو عندة اصلا احد حتى يعرفة بيهم ) حديقة 1: بكولة بس شوية اتعرف بيهم مو هواية ( شكد يعني هاي الشوية ؟ حتى تشلغم عليهم مثل مامشلغم على هذا المسكين ) حديقة 2: لا ماكو ولاتناقش ( افتهمهة ماعندي احد اعرفك بي هي كوة ) خلص جذب المعجبين وخلص الموضوع اليحجون بي ونرجع لنفس الشغلة حديقة 1 : احجي حديقة 2: انت احجي يبووووووووووووو شنو هالعيشة وطبعا بنص المواضيع كل شوية يحششون وكلهن تحشيشات معادة وقديمة ومنقرضة ويضحكون ( واحد يواسي الثاني ) و يفصل النت لو تنطفي الكهرباء ومن يرجعون تكول خطية صارلهم سنة مامتشاوفين ولكم ونورت صدك الحدايق اوفياء اكثر من الاصدقاء ( بس بيناتنة لأن ماكو غيرة يحجي وياه ويعبره يشتاقله واذا مو شوق يمشي وكت براسه ) ويجي واحدي تعيقل براس الثاني : حديقة 1 : اني بس اتعين بعد ماافتح نت ( علساس التعيين يركض وراك ) حديقة 2 : وتعوفني لوحدي ( اطمأن ميروح على قلبك ) حديقة 1: اي شسويلك شغلي اهم ( اليكول داوم واستلم راتب ) حديقة 2: مو حرام عليك وية منو احدق بعد ( يطلع الحجي الصدك ) حديقة 1: لا لا ميخالف عود بالطريق من ارجع من الدوام افتح من الموبايل ( خطية شكد مشغول بس وفي مينسة حدايقه ) حديقة 2 : اي عفية اموتك اذا تعوفني محدق لوحدي ( محد بعد يعبرة ويفتح ايميل ويصفن اذا راح حديقة 1 ) وخطية كل يوم يكلبون مواقع ويسحبون استمارات تعيين وواحد ينطي الثاني شكد حلوين ياربي اطمأنو عيوني لا تتعينون ولا واحد يعوف الثاني لأن ماكو امل تعيينات وحيبقى الحال على ما هو عليه محدقين وواحد مكابل الثاني
المهم عيني يبدأ الحديث :
المهم عيني خلص نقاشهم الحلو وتطلكت البزونة وكلمن راح بطريقه هسة كامو يدورون على موضوع ثاني يحجون بي 
