مسطول سالوه: مين أهم الشمس ولا
القمر ، رد : القمر طبعا,
بيطلع ينور لينا بالليل و الدنيا ضلمة, انما الشمس بتطلع بالنهار و الدنيا نور أصلآ
----------------------------------------------------------------
مسطول بسال مسطول زيو :على وين؟؟؟؟
قال المسطول التاني: ما عارف؟وانت علىوين؟؟
قال الاول :ما عارف؟
قال : خلاص امش بسرعة عشان ما نتاخر
-------------------------------------------------------------------------
مسطول مشى يخطب قالو ليهو البنت بتدرس ..قال..يلا خلاص نجيها فى الفسحة
-------------------------------------------------------------------------------------------------
مسطول ضبح ابوه ليه؟ المدرسه قايمة برحله للايتام وضبح جارهم ليه؟ عشان
اخوه يمشى معاهو وضبح ولد عمه ليه؟ عجبه الاجرام! وبعدين انتحر ليه؟ المدرسه لغت الرحله
-----------------------------------------------------------------------------------------------------
مسطول عاد السنه قالوا ليهو: بالمناسبة الاسئله نفس اسئله السنة الفاتت
قال: يوووو .. معناها راسب راسب..!
---------------------------------------------------------------------------------------------
مسطول بسأل أمه.. لو ماتزوجتي أبوي والا ولدتيني وشفتيني عند ناس تانين ،كنتى حتعرفيني؟!!
----------------------------------------------------------------------------------------------
مسطول شاف ياباني خاتى صباعه فى اضانه ويتكلم...قال ليهو بتسوى شنو ؟؟
الياباني قال وصلت بينا التكنلوجيا وبقينا نكلم بعض عن طريق الدوره
الدمويه!!! قام المسطول بقى ينتفض ويرجف .. الياباني
قام ساله...مالك يا زول؟؟ قال ليهو ..ابدا ..بس جانى فاكس من حبوبتى
----------------------------------------------------------------------------------------------------------------------
مسطول عينوه مدير السجناء والمراقب عليهم جمع السجناء كلهم
وقال ليهم : يان تنضبطوا وإلا مع السلامه واى واحد يورينا عرض اكتافه
----------------------------------------------------------------------------------
مسطول سألوه ليه أضانك محروقة قال : كنت بكوي واتصل علي واحد وختيت المكوى
في أضاني بدل السماعة وقالوا وإضانك الثانية قال : ما الغبي أتصل مرة ثانية
----------------------------------------------------------------------------------
مسطول بسأل اخوه انت ليه أصلع؟؟قال:من الزمن.قال ليهة ...طيب ما تحلق عنده تانى
---------------------------------------------------------------------------------------
راعى سعودى مودى قطيع بتاع غنم وموديهم الرياض ،في الطريق بعد ماطلع من الدمام وقف
عند نقطة تفتيش
الشرطى قال ليهو يا سلام على سماحة الغنم...بتاكلهم شنو؟؟
قال حشيش ،
قام الشرطى جلده لحد ما داخ
عرف الموضوع وقال للشرطى مش الحشيش اللى فى بالك ...لا بقصد البرسيم
قالوا ليهو معليش إذا كان كدا تفضل امشى،
ولامن وصل الاحساء عند نقطة تفتيش ثانية
الشرطى قال...يا سلام ما احلاهم وبتاكلهم شنو
خاف يقول حشيش،قال حبوب!
بقى الشرطى مسكه وجلده تمام
قال ياجماعة حبوب يعني شعير وأعلاف
قالوا ليهو اسفين وتفضل
وفي مدخل الرياض وصل عند نقطة تفتيش
برضو شرطى معجب بالغنم وساله نفس السؤال
قال بصراحة أنا ما أأكلهم، أنا بديهم ريالات وكل وحده تشتري اللي فى نفسها.
--------------------------------------------------------------------------------------
وحده شافت زوجها بقرأ فى كتاب
( الرجل سيد المنزل )
قالت ليهو ما بعرف انت بتموت فى القصص الخيالية
---------------------------------------------------------------------------------
طلاب عندهم امتحان في حفظ القرآن, دخل عليهم المدرس زعلان ومعاهو سوط عنج
سأل الأول اسمك منو ؟؟, قال يوسف, قال ليهو سمع سورة يوسف
وسأل الثاني وانت؟؟, قال يونس, قال ليهو سمع سورة يونس
وسأل الثالث اسمك؟؟, قاله اسمي عمران.. بس بدلعوني كوثر
--------------------------------------------------------------------------
مسطول خطب في صلاة الجمعه بعد ما
إنتهى سأل صاحبه قاليهو رأيك شنو
بالله؟
قاليهو كويس خالص بس عندك أغلاط
بسيطه :
أولا المنبر عنده سلم مافي داعي
تتلب.. بعدين حكاية السجاره بين
الخطبتين دي
شنو؟ وعلى فكرة ماحصل سمعنا
بصحابي إسمه تامر.. وأبو لهب صاح
كافر بس كلمة ود
الحرام دي مافي داعي ليها.. والملك
فهد ماشارك في غزوة «أحد»! غير كده
إنت ميه
الميه.. والإمام بتاعنا لو كان
معافى من المرض ما كان قال الإنت
قلته.
----------------------------------------------------------------------------
مسطول عمل عملية تجميل.. دخل لي
اهلو قاليهم صدقو ما عرفتكم
----------------------------------------------------------------------------
مساطيل جاتهم كشة في البيت طفوا
السجارة وقعدوا كأن لم يكن شيئاً...
سألهم
الشرطي: الدخان ده جاي من وين؟
قالوا: والله ياخي البيت ده
اجرناهو كدا
----------------------------------------------------------------------------
مسطول مرتو قالت ليهو وأنا بصلي
الكديسة أكلت عشاك قمت دقيتها
قامت جارية، قال
ليها: ما مشكلة بكرة بجيب ليك
كديسة تانية
--------------------------------------------------------------------------
واحد مسطول ربى دقنه ودخل الجامع
واحد من المصلين شاف الدقن
قال ليه:يامولانا أنا جيت المسجد
متأخر ولقيت الصلاه فاتتني
بركعتين أعمل شنو
قال ليه :في زول شافك
قال ليه : لا
قال ليه: أعمل نايم
-------------------------------------------------------------------------
مسطول بيحكي لي صاحبه المسطول
والله يامعلم امبارح مشيت لي
سماره القبطي
صاحبنا، أشيل ليك معاه الفاتحه في
أبوه المات!
التاني قال ليه: ياخي الناس ديل
مسيحيين.. عملت شنو؟
قال ليه: ماعشان كده كشحتهم ليك يا
أيها الكافرون لمن آمنو
-------------------------------------------------------------------------
قال ليك (في جماعة من الخريجين)
فتشوا شغل في أي مكان فلم يجدوا.....
واحد منهم جاتو فكرة قال يمشي
جنينة الحيوانات يشتغل معاهم ...
مدير الحديقة قال ليهو: والله شغل
ما في لكن ممكن تبقا لينا (قرد)..
لكن كيف أبق
ليكم قرد ؟؟؟
المسألة بسيطة (أصلو نحن عندنا
قرد مات) نلبسك لبسة قرد من الصباح
لحدي آخر
اليوم ونديك مصاريفك 70 جنيه
يومياً
زولك الفكرة عجبتو ووافق ...
في يوم من الأيام ناس الحرس نسوا
باب الأسد فاتح وفي نفس الوقت باب
القرد برضو
كان فاتح..
الأسد جا داخل لي صاحبنا القرد..
زولك بقا يرجف ....ويرجف
.... ويكورك
الأسد قال ليهو: ما تخاف... أخوك
خريج قانون
---------------------------------------------------------------------------
اتنين قاعدين يسطلو جنب مرايه
واحد قال ل التاني شايف الجماعه
ديل لافنها تعال
نمشي عليهم التاني قال ليه كويس
قام الاول وقف وقعد طوالى التاني
قال ليه مالك
قال شكلهم جاين علينا.
--------------------------------------------------------------------------
قالوا مسطول سودانى قاعد مع مسطول
مصرى قام قال
'... ليه:' تعرف .. الدنيا دى كلها
مآسـى
المسطول المصرى ق ال ليه: ' ليه ..
هو مقاسك أد ايه؟ '
--------------------------------------------------------------------------
مسطول عملوا معاه لقاء فى
التلفزيون
المذيع سأله: ماهو أصعب موقف مرّ
بيك فى حياتك ؟
المسطول قال ليه: يوم ما كنت بحلق
فى دقنى وبلوك لى فى لبانة
-----------------------------------------------------------
مسطول سأل صاحبو قال ليهو: الشيء
البقول ناووو وبطير ده شنو؟
قال: كديسة وشايتنها شلوت!!
-----------------------------------------------------------
قال ليك في مسطول دخل حفلة
والحفلة رابة شدييييد...المسطول
عندو سجارة واحدة بس
كل اغنية يولع السجارة ياخد منها
نفسين ويطفيها ..الغنية البعدها
يولع نفسين
ويطفيها ...في واحد متابعو من
بداية الحفلة
في اخر غنية ولع السجارة برضو اخد
اخر نفسين ورماها في الارض عايز
يطفيها
..جاو اخونا داك جاري قال ليهو
لااااا..
الجماعة ديل عندهم اوفر نايت
--------------------------------------------------
مسطول صايم اتصل على ما يطلبه
المستمعون وقال ليهم : ممكن
تسمعونا مقطع من آذان
المغرب؟
---------------------------------------------------
مسطول سألوه في لقاء تلفزيوني عن
سبب سخانه الجو اليومين ديل؟؟
رد قال : ده كلو من مشجعين الكوره ..
شغالين يقولو فوق فوق سودانا فوق
لمن
تكلونا مع الشمس..
----------------------------------------------------
مسطول طالع فى السلم بدق ليو فى
مسمار المسمار وقع قاليو تعال فوق
،لمن المسمار
ماجاء قام رمى باقى المسامير
قاليهم ارفعو
مع تحياتي
